На Универзитетот Свети Климент Охридски – Битола
Нов проректор за настава на Универзитетот Свети Климент Охридски во Битола е Марјан Ангелески од Економскиот факултет.
Ангелески, дипломирал на Природно-математичкиот факултет во Скопје, каде и одбранил магистерски и докторски трудови. Научен интерес му е е-подготвеноста, проектниот менаџмент и иновативноста. Од 2010 година во два мандати беше продекан за настава на Економскиот факултет. Автор е или коавтор на околу 40 научни трудови во меѓународни научни списанија и зборници на меѓународни конференции.
Новиот проректорски тим започна со работа заедно со новоизбраниот ректор, проф. д-р Сашо Коруновски на 1 октомври.
