За Свети Трифун
Со традиционалното закројување на лозјата кај параклисот посветен на Св. Трифун, кај месноста Склештен мост и на лозјата кај селото Големо Радобил е одбележан православниот празник Св. Трифун, познат како заштитник на лозарите. Во знак на празникот и винарската визба Пирган имаше промоција на млади вина.
Кај Склештен мост домаќин беше организацијата на жени Мајка Традиција.
-Многу сме горди што сме домаќини. Бидејќи никој не се пријави и в година ќе бидеме домаќини – рече Љубица Петреска.
Во присуство на многу посетители и исселени од Големо Радобил, а потекнуваат од селото, годинава првпат се празнуваше денотна лозарите.
– Селото отвора културна традиција која нашите дедовци ја негувале. И се организиравме на веселба, заеднички ручек и закројување на лозјата. Сакаме овој адет да го пренесеме на нашите деца. Радосоен сум што се собравме многумина – рече еден од домаќините.
Градоначалникот, Марјан Ристески, посака многу здравје и среќа, а лозарите да имаат добар род и бериќет оваа година.
– Тројачкиот регион е познат по сончевите денови и плодната почва. Надалеку се познати виното и ракијата произведени од лозите во овој крај – изјави Ристески.
Винаријата Пирган, која постои од 2003 година, организираше дегустација и презентација на своите вина и капацитети.
– Капацитетот изнесува 15 хектолитри. Годишно откупуваме 500.000 килограми грозје. Од прилепско е 10 до 20 проценти од грозјето. Технологијата е француска, а произведена во Бугарија. Готовото вино го пласираме за Србија, Албанија и Македонија – изјави Златко Пирганоски, сопственик на винарската визба.
Визбата има користено средства од ИПАРД програмата.
