Интернационалниот џез викенд е тридневна забава на летната сцена на ЦК “Марко Цепенков”, организирана од Општината. Се презентира музичкото творештво во светот на џезот за поинаков урбан град и заложби за следење на вистинските вредности и културни содржини.
Изборот гарантира уживање. Вечерва е резервирана за музиката на Тавитјан Брадерс (МКД) и Теодосиј Спасов Трио од Бугарија, а утрешната ноќ за настапите на рускиот бенд Салто и Хрватскиот Кул де Сак.
Во неколку кафулиња низ градот ќе има оф програма со настапи на Дамир Имери Трио, па Тектоне, а следуваат и Дарко Степиќ и ДЈ Шурбе.
Џез викендот се етаблира со богатата програма на атрактивни изведувачи од европските простори и е дел од повеќето манифестации кои ги организира општината со што се дава придонес кон развојот на фестивалскиот културен туризам.
