Здравствениот дом набави нови современи медицински возила, од кои едното е теренско и ќе овозможи лесен пристап до болните во руралните средини. Паралелно, целосно е заменето осветлувањето со штедливи светилки. Тоа ќе придонесе за значителна заштеда на електрична енергија. Вкупната инвестиција е над 2,2 милиони денари.
Всушност, двата зафата се последна фаза од реконструкцијата на оваа здравствена установа почната пред нецели две години и во кои главно се користени сопствени средства, покрај делумната поддршка на Министерството за здравство. Лани, се направија енетериерни и екстериерни промении, се набавија нови апарати за превентивната стоматологија, трудовата и спортската медицина и лабораторијата. И стручната екипираност е подобрена со повеќе медицински тимови.
Според директорот Петар Ристески, наскоро се очекува обновување и на детското одделение за подобрување на квалитетот на здравствените услуги.
Здравствениот дом нуди услуги за над 120 илјади жители од неколку општини.
