ИН МЕМОРИАМ
Почина уметникот Илија Кавкалески (1932 – 2015), мајсторот на акварелот. Зад себе остави богатство, не само како сликарски дела, туку и како творештво на конзерватор на фрески и икони, бидејќи работеше во Завод за заштита на спомениците на културата. Кавкалески образованието го стекнал на Академијата за применети уметности во Белград, оддел сликарство во 1957 година. Работел во нашиот Завод и Музеј. Кариерата ја продолжи во Скопје. Бил доцент на ФЛУ по насоките конзервација и реставрација.
Беше неуморен сликар со вонреден дар. Во нашиот неделник велеше дека акварелите се убавина.
– Никогаш не го заборавив родниот град. Постојано го сликам во акварелите прилепскиот пејзаж, оти градот зрачи со топлина што ми предизвикува да го сликам постојано – изјави тогаш Кавкалески, кому родниот град му се оддолжи пред две години со доделувањето на признанието плакета Трети ноември за особен придонес во развојот на културата, особено на ликовната уметност.