Како секоја година, за 21 февруари, меѓународниот ден на мајчиниот јазик, младинската заедница од Гимназијата заедно со професорката Емона Јованоска организираа ораторска вечер на тема “Говор за мајчиниот јазик”. Говори и ставови имаа 14 ученици од сите средни училишта. Во улога на оратори се покажаа Ѓорѓи Сиракоски од “…Ричко”, Емилија Чавлеска од “…Чопела”, Теодора Тодороска, Ирена Велјаноска и Мартина Темелкоска од “Кузман…”, Јуле Атанасовска, Глорија Талеска, Тамара Тодороска и Василиј Митрески од “Ѓорче…”, и Сара Нешкоска, Илчо Лешникоски, Бранка Иваноска, Филип Димоски и Христина Ангелеска од Гимназијата. Ораторите беа поддржани од стотина соученици, докажувајќи ја почитта и грижата за мајчиниот јазик.
– На поканата се одѕваа многу оратори и гости. Ја продолживме традицијата и ја поттикнавме свеста за грижата и негувањето на мајчиниот јазик – вели ученичката Надица Бунеска.
Директорот на гимназијата, Кире Николоски, им додели благодарници на сите учесници и ментори.