Инвестиции во спортски објекти и терени
Комплетно ќе се обнови градскиот стадион “Гоце Делчев” со 750 илјади евра од програмата ХЕТ ТРИК – 4, донација од УЕФА, а која ќе се реализира преку ФФМ. Ќе се реконструираат трибините, ќе се направи комплетна дренажа. Уредување на теренот и осветлување за ноќни натпревари. Со јавно – приватно партнерство, на стадионот ќе се доизградат нови трибини според европските стандарди. Со донација од Лозана, ќе се монтираат и 15 илјади столчиња на реконструираниот стадион “Гоце Делчев”.
Покрај фудбалскиот терен на Паркот на Револуцијата, првпат во историјата градот доби и стадион со вештачка трева за голем фудбал со рефлектори и комплетно уредени соблекувални во вредност од над половина милион евра. Ќе продолжи доградбата на стадионот во Алинци и ќе се реконструира и осветли и стадионот во Големо Коњари.
Ќе биде поставена и балон сала во дворот на ОУ “Блаже Конески”.
Ќе бидат пуштени и две нови спортски сали, со мал обем во СОУ “Кузман Јосифоски – Питу” и голема во ОУ “Добре Јованоски”.
Ново тениско игралиште ќе има во Гимназијата.
Ќе бидат реконструирани и други игралишта.
Локалната самоуправа продолжува со поддршката и финансирање на спортските објекти и терени со единствена цел популаризација меѓу младите.