Хаику поетот Тони Павлески се закити со награда на меѓународниот конкурс за прв електронски зборник за поезија, проза и афоризам, организиран од клубот “Симбиоза” од Куманово. Нашиот поет во конкуренција од 57 учесници од Македонија, Србија, Хрватска, БиХ, Австрија, Германија, Бугарија, ја доби првата награда за творбата под наслов “Живот”. Тој ја освои и втората награда за афоризам.
– Посветеноста на поезијата секогаш дава успех, оти ја создавам од срце – вели Павлески, надевајќи се дека ќе ги објави сите наградени творби во збирка поезија.
