ОУ “Кочо Рацин”
Првоодделенецот Кирил Велкоски од ОУ “Кочо Рацин” го освои првото место во категоријата од 5 до 8 години на меѓународниот конкурс за компјутерски цртеж, организиран од ОУ “Рајко Жинзифов” од Горно Оризари, Велес. Тој покажа креативни компјутерски вештини со цртежот, именуван “Заедно сме среќни”. Комисијата за избор го забележа и му даде највисоките оценки, со што го зазеде челното место.
Учесниците преку програмите за цртање креираа на тема “Растеме заедно” на традиционалниот меѓународен конкурс што се организира во чест на 28 септември, денот на Бошњаците во Македонија.
