СОУ “Ристе Ристески Ричко”
Наставниот кадар од СОУ “Ристе Ристески – Ричко”, предводен од директорот Жарко Темелкоски, успешно ја спроведе консултативно – инструктивната настава во проектот за оформување на средно стручно образование за возрасни. Од октомври 2012 г., наставата ја следеа стотина учесници само со завршено основно образование и тоа во машинската струка за профилот машински техничар, во електротехничката, за електротехничар – енергетичар и во сообраќајната струка за техничар за транспорт и шпедиција. По две годишна реализација на проектот поддржан од Владата, а во соработка со Центарот за образование на возрасни, 80 лица стекнаа четврт степен на средно образование.
Целта на проектот за бесплатно образование за возрасни е кандидатите полесно да се снајдат на берзата на трудот.
Дипломите на прилепчаните кои се на возраст од 18 до 45 години им ги врачи градоначалникот Марјан Ристески на пригодна свеченост.
