Ин мемориам
На 43 години почина фудбалскиот тренер Владимир Мицески. Тренерската кариера главно ја мина во обука на млади, надежни играчи, а во второлигашка конкуренција го водеше сениорскиот тим на 11 Октомври. Голем печат остави како играч. Потекна од младинската школа на Победа, каде беше меѓу најистакнатите од својата генерација. Поради големата техника на мал простор прво се посвети на малиот фудбал, а потоа играше во второлигашот Варош. Најдобриот период во големиот фудбал го мина како член на прволигашот Напредок.
