Вечерва во киното Мис Стон
Анимираниот цртан филм “Звуците на Новата година” за најмладите ќе биде прикажан вечерва во киното Мис Стон со две изведби од 17 и од 19 часот.
Најмладите ќе дознаат што се случува со звуците на Новата година. Зошто ниедна мелодија не е како што треба и зошто се испревртени зборовите во сите песни на светот? Подобро речете, во целата бесконечна вселена. Проблемот го решаваат Биби, Боби, снешкото Гого, Дедо Мраз од Заз, роботчето Р1, но и мистериозните чувари на Заз. Се обединуваат да ја спасат целата музика во универзумот.
Режисери се Димитар Аризанов и Јосип Здравковски, гласовите ги позајмуваат актери, а за музиката се погрижи Ангел Ќосев.
