Во театарот
Во театарот се подготвува претставата “Пипи долгиот чорап” од Астрид Линдгрен, во режија на Кристина Димитрова. Наскоро се очекува премиерата на самостојниот проект на театарот.
Драматизацијата на популарниот текст е на Ивана Нелковска. Ќе играат Ангела Наумоска, Наташа Ачански, Димитар Ѓорѓиевски, Александар Тодески и Михајло Миленкоски.
Како театарски режисер, Димитрова често размислувала кои книги, претстави, серии и филмови и се допаѓале како дете. Тоа ја довело до најголемата инспирација, “Пипи долгиот чорап”.
-Ми се допаѓаа волшебните светови, патувањата во далечните земји и апсурдниот хумор. Беше необично и неконвенционално. Затоа најголема инспирација ми е драматизацијата на ова дело. Така решив да ја поставам на мојата матична сцена. Претставата ќе говори за слободата, авантурата, незавиноста и големата детска фантазија. Најмладите ќе можат да проследат претстава со многу музика, во која ќе бидат пренесени згодите и незгодите на Пипи и нејзините необични авантури. Ќе биде возбудливо едночасовно патување. Најмладите ќе почувстуваат дека се остваруваат сите соништа. Ќе се насмеат и ќе се забавуваат – вели Димитрова.
За сценографијата е задолжена Бојана А. Трпческа во соработка со Петко Ристески, а за костимите Христијан Нашуловски, за музиката Томе Темелкоски.
“Пипи долгиот чорап” е светска детска класика, преведена на осумдесетина јазици. А авторката Астрид Линдгрен се смета за една од најпознатите светски писателки на детски книги.
