Кривичниот суд во Скопје му пресуди 4,5 години затворска казна на екскомандирот на прилепската полиција Кирил Спиркоски. Обвинителството го товареше, а судот му пресуди за неовластено производство и пуштање во промет на наркотични дроги, психотропни супстанции и прекурзори. Тој бил дел од шестчлената група која лани во април договориле зделка со НН лице од Грција, па неовластено, заради продажба, набавиле 199,444 кг. марихуана. Транспортот беше откриен и пресечен со посредство на американската агенција за борба против дрогата ДЕА во Македонија на патот Прилеп – Градско. Спиркоски го следел транспортот.