Изложба во Скопје
Во Музејот на современата ликовна уметност во Скопје отворена е изложбата налосвена ,,Главните пунктови на македонската ликовна уметност во 70-те и 80-те години,,, чиј куратор е Марика Бочварова Плавевска. Освен делата од најдобрите уметници, презентирани се творби од прилепски автори кои оставиле печат во македонската современа уметност. На мултимедијалниот проект место обезбедиле уметниците Виолета Блажевска, Богдан Грабулоски, Кирил Гегоски, Јордан Грабул, Ристо Калчевски, Петре Николоски…
-Проектното размислување е дел од серијата проблемски изложби за откривање и зближување на преодните предизвикувачки преобразби, делумно почнати во 60-те години, акцентирани преку 70-те години и на некој начин вклопени во 80-те години. Размислувањата се битни и за 90-те години, бидејќи промените ја промовираа возбудливата и транзициска ликовна сцена – вели Бочварова.
