Во центарот на градот поставена е стаклена кутија за собирање пари за Градскиот фудбалски клуб 11 Октомври. Минувачите малку се изненадени, бидејќи досега такви пунктови имаше за донации за цркви или џамии. Љубителите на спортот подзапираат кога ќе го видат клупскиот амблем и напишаното “За доброто на децата од ГФК 11 Октомври”. Некои веднаш брцнуваат в џеб и во касата пуштаат нешто ситно од два, пет, десет и други книжни пари од 50 или 100 денари.
