Бесплатна објава
Џудо
Продолжуваат успешните настапи на прилепските џудисти. На Државното кадетско првенство во Гостивар, имаше жетва на медали. Се истакнаа членовите од Пролетер, клуб кој во вкупниот пласман е второпласиран, зад скопски Ипон. Со златни медали се закитија Теодора Димеска, Александра Макеска, Дарко Велковски, Борче Ангелов и Марко Паноски. Втори места, со пораз во финалето, имаа Ана Марија Трајчевска, Јорданчо Ѓорѓиоски и Симеон Гешкоски, додека за трето место на пиедесталот се изборија Сара Петреска и Менде Кироски.
Солиден беше и Сеишин со втори места на Мартин Тодорчески, Диме Ивчески и Стефани Петреска, а трети беа Леонардо Насески, Марио Цинцароски, Христина Ковилоска и Александра Најдоска.
