Фудбалскиот терен на Паркот на револуцијата ќе биде писта за избор на “мис” на убавина на миленици в недела на интернационалната изложба на кучиња, вклучувајќи ја и посебната за Шарпланинци. Околу 250 миленици од земјава и надвор од границите, сопствениците ќе ги донесат на дефиле и оценка од страна на стручни судии. Кучиња од најмали до најголеми од различни раси, нежни и опасни, ќе се “тркаат” за награди и признанија.
Манифестацијата е организирана од прилепското кинолошко друштво.
