Измешани чувства на тага и жал за минатото, но и среќа за сегашноста. Проткаени со спокој на повозрасните и немир и бучава кај помладите. Меѓу старите дуќани, со некое паднато дрво чиниш мост на каналите на Амстердам, низ надојдената река од спомени за нечиј живот, спомени за среќното детство, но и за добриот бизнис е некогашната уличка кај бањата. А денес “се издигнала” во цветна уличка која изобилува со посебна убавина што го плени секој кој минува на неа, а воедно го одзема здивот на оној кој ќе ја види оваа фотографија.
Современата урбанизација, уличката ја дотера со жардинјери и јапонски цреши и ја претвори во трговска и пешачка зона.
