СОУ “Орде Чопела”
Со богат штанд со изобилство од прехранбени артикли, СОУ “Орде Чопела” го одбележа Денот на храната. Учениците и вработените донираа по избор храна со траен карактер, што не се расипува, овошје, зеленчук, тестенини, зимница. Храната се подари во народната кујна, а дел за пакети со храна за социјално загрозените семејства.
– Доминира хуманитарниот аспект и зајакнувањето на чувството за солидарност. Се покажа широкоградоста и спремноста да се помога – вели професорката Анита Бунеска.
– Го одбележавме денот со хуманитарна акција. Среќа е да се дарува – вели ученичката Мирјана Тодороска.
Соработката на Црвениот крст со училиштата секогаш е добредојдена за ранливите категории граѓани.
