КУД “Мирче Ацев”, кое од 1947 година го негува македонскиот фолклор, од 10 до 15 јули ќе учествува на два етно фестивали во Хрватска. Првите два настапи се на 10 и 11 јули на етно фестивалот “Макарска етно” во Макарска, каде втората вечер ќе настапат заедно со Мирослав Тадиќ и Браќа Теофиловиќ. После играорците ќе заиграат на меѓународниот фолклорен фестивал “Михољичко село” во Доњи Михољац.
– Задоволство е да се претставува македонскиот фолклор и Прилеп на реномирани фестивали – велат од друштвото, потенцирајќи дека на крајот на јуни настапиле на фестивал во Наково, Србија.