СОУ “Кузман Јосифоски-Питу” ниже први места и на натпревари надвор од земјата, овојпат во Сандански, Бугарија. Гордост на училиштето се учениците Марија Петреска 4-5 и Благојче Мојаноски 2-6 кои го освоиле првото место на меѓународниот натпревар по екологија, “Земјата – позната и непозната”, на тема “Иднината на нашата земја” за најдобар видео клип.
Не е за потценување успехот на Андријана Ѓореска 2-3 и Бојан Ѓорѓиоски 2-3, кои успешно се претставиле во истата категорија. Менторите, професорките по информатика Мимоза Мијоска и Јасминка Димовска, ги “хранеле” со корисни совести на натпреварот со учество на девет европски држави.
