Објектот од Стара Нама – или Народен магазин, од пред 40-тина години на плочникот потсетува на генерациска младост. Некогаш се продавало текстил, штофови, волница, а последно време и долен веш и играчки за децата. Во еден ќош се имаше и постелнина од асе со прекрасни машински везови, покрај конфекциската облека.
Дел од објектот се пренамени во кафе бар за забава на младите. Тие беа во посебен стил и пријатен амбиент, кој го наруши ненадејниот пожар од кој остана само руина. Празниот простор уште зјае.
