Билката наречена ,,Златото на Богородица,, се користи за лекување на циркулација, црниот дроб и подобрување на видот. Името потекнува од христијанската традиција да се китат иконите на Дева Марија со цвеќиња од невен, кои симболизираат златници.
Според легендата, за време на бегството на Јосиф и Марија во Египет, светото семејство било прогонувано од крадци. Кога разбојниците ги стигнале и им ги зеле чантите, од таму испаднале цвеќиња од невен, наместо пари. Оваа билка моќно ги штитела градинарските растенија од штетници. Се користи во готвењето, природната медицина и козметологијата.
Во народната медицина, екстрактот се користи како диуретик. Чајот лекува дијареја и грчеви во стомакот. Науката ги потврдува лековитите својства на невенот. Откриено е дека го подобрува здравјето на црниот дроб и бубрезите. При воспалителни процеси ја ублажуваат болката. Инфузиите од невен го подобруваат метаболизмот и го јакнат имунитетот. Во раната фаза на дијабетес, се нормализира нивото на шеќер во крвта, имајќи позитивен ефект врз панкреасот. Цветовите содржат каротеноиди за намалување на ризикот од развој на катаракта. Невенот се додава во компоти и желеа за посебен вкус. Ја зголемува отпорноста на телото на настинки и грип. Чајот го подобрува видот.
Во чајник од 0,5 литри се става лажичка зелен чај, 5 цветови од невен, 2 големи листови од коприва, 1 млад лист од артичока и 2 гранчиња нане. Се полни топла вода и се покрива со крпа 30 минути. Се пие во текот на денот. Со остатокот се мијат очите наутро. За враќање на видната острина, се земаат 3 свежи цветови на ден во период од 1 месец. За црниот дроб се потребни 5 цветови прелиени со литар врела вода. Се варат 3 минути на тивок оган и се цеди.
Од невенот се плети традиционалното венче, симбол на верноста. Момите го маѓепсуваат саканиот, секогаш да им биде верен.
