Македонците знаат пиперките да ги приготвуваат на милион и еден начин, а ова е еден од тие начини.
Потребни се 50 црвени пиперки, 250 мл. масло, 250 мл. оцет, 1 рака шеќер, 1 рака сол, 2-3 главици лук, 2 китки магдонос И кесичка црн пипер во зрно.
Пиперките се печат, се лупат и им се вадат дршките. Маслото, оцетот, солта и шеќерот се ставаат да зовријат во поголемо тенџере. Во зовриената маринада се ставаат пиперките малку да се подварат на тивок оган, без мешање, туку само протресување на тенџерето. Маринирањето трае максимум 10 минути. Исчистен лук сечкан на ситно се меша со ситно сечканиот магдонос и црниот пипер. Кога малку ќе изладат пиперките, се редат ред пиперки, па лук и магдонос, па повторно пиперки и така до крај.
