Граѓаните ќе треба да плаќаат поскапо за паркирање во градов. Нови цени добија зоните “Б” и “Ц”, односно паркинг просторите во центарот. Единствено не се менува цената на паркингот во Болницата, каде останува 10 денари од час.
Инаку, во зоната “Б”, в центар, новата цена е 30 денари за 2 часа, наместо досегашната за 4 часа. Во зоната “Ц”, наместо досегашните 30 денари без разлика на времето, сега ќе бидат потребни исто толку пари, но само за 4 часа.
Новите цени се правадаат со зголемување на трошоците и шест години не сменетите цени на услугите на ЈП ПУП, кое стопанисува со паркинг просторите во градов.
ЈП ПУП не соопшти колкав е надоместот за паркирање на автомобилите на вработените во ЈП и локалната самоуправа на паркингот до зградата на општината.
Од ЈП ПУП открија дека веќе се подготвени провизорни проекти за катна гаража до локалната самоуправа и до ЦК “Марко Цепенков”.
