По повод неделата на сестринството, Болницата го одбележа Денот на медицинските сестри. Директорката, Кети Смилеска им посака успешна работа. За значењето на 12 мај, за посветеноста на медицинските сестри во професијата, за Законот за сестринството зборуваше Гордана Бешлиовска, претседателката на Унијата на медицински сестри, техничари, акушерки и стоматолошки сестри.
-Да го посветиш животот на медицината е како да ја имаш суштината на постоењето во свои раце – здравјето, а почетна точка на секој успех е желбата. Бидејќи за да се влијае врз текот на здравството треба да се биде силен. Тоа значи да се биде медицинска сестра. Горди сме на нашите колешки и колеги од Прилеп за сплотеноста и единственоста која е двигател на оваа хумана професија. Заеднички можеме многу, ОВА Е НАШЕ ВРЕМЕ и задоволни сме што конечно почнуваат преговорите за озаконување на сестринската професија – истакна сестрата Гордана Бешлиовска, претседател на Унијата на ЗМСТАС.
Според неа, доколку не се подобрат работните услови, ќе продолжи одливот на кадар во западно-европските земји.
