Кинолошкиот сојуз стана полноправен член на големото светско кинолошко семејство, односно членка на меѓународната кинолошка федерација. Нашите кинолози се примени под уставно име на собранието во Милано.
Д-р Панче Дамески, од нашата делегација, вели дека признанието е огромно за македонската кинологија.
– Препознаени се вредностите на македонската кинологија, која на светот му ја подари прекрасната раса, Шарпланинец – вели Дамески.
Кинолошкиот Сојуз е основан во 1953 година. Организиран е со повеќе од 40 кинолошки друштва, а меѓу најактивните е прилепското, со многу членови и организација на десетици меѓународни изложби.
