Мечот Победа – Вардар имаше чудна сцена кога гостинскиот играч Иван Ивановски при пренос на носилка се струполи врз глава на тревата. Беше очигледен обид со глума да се создаде слика за нехуманост на медицинскиот тим, што наиде на негодување кај сите на стадионот.
– Беше ставен на носила, а тој уште одма сакаше да стане. Го спречи судијата. После рипна сам од носилата. Останав вчудоневиден. Сакаше сите да нé направи будали. Повреден, а скока. На крајот рече: “Мора да грабнам некоја минута” – изјави Рубин Алексоски, носач на носилката.
За проѕирната глума Ивановски доби жолт картон.
