Триесетина прилепски планинари беа дел од неколку стотната македонска експедиција, која традиционално го освојува Кораб за Денот на државноста, Осми Септември. Врнежливото време и облаците на врвот не ги попишманија, ниту ги спречија планинарите да се искачат на врвот, повисок од 2600 метри, и да ја одржат традицијата, покажувајќи на тој начин високо патриотско чувство и готовност да се борат со природните непогоди во слава на земјата.
