Во Солун
Пехар и медал „грабна“ Тодор Тодороски – Тоше во Солун за негова креација на фризура. Прилепчанецот кој обликува коса без ножици, туку со запалка, ги воодушеви членовите на жирито. Тој во Солун учествуваше на Балканскиот фестивал на фризури.
– Пехарот е заслуга за мене и мојот тим “ТЕСА” поради нашето прекрасно шоу во Солун. На Балканскиот Фестивал поканети сме да ја претставуваме Македонија секоја наредна година – вели Тодороски. Неколкуте фризерски студија од Македонија, пред публиката кај јужниот сосед се претставија со своите креации и висока фантазија во фризурата. На шоу-перформансот со фризури сите модели биле облечени во креации на „Папаз”.
Тодороски, кој прави магија од женското лице и фризура, се запозна и со Ким Кардашијан во Дубаи кога учевствуваше на Мастеркласот на Марио Дедиванович.
