Сува трева, грмушки сеуште горат во мариовско, а додека пожарот во близина на Дата центарот е изгаснат, информираат од Центарот за управување со кризи. Активен е пожарот кај селата Кокре, Кален и Пештани каде гори нискостеблеста вегетација.
Од ЦУК информираат дека во текот на денот, вторник, 03.09.2024 година, до 13:30 часот, има вкупно 8 пожари на отворен простор, од кои активни се 4, под контрола е 2 и изгаснати се 2.
АКТИВНИ: 4
- Општина Чашка: Планина Мукос – с.Степанци (под контрола), активен е кај с.Оморани и м.в.Кадиица – с.Ораов Дол (мешана шума);
- Општина Прилеп: с.Пештани – с.Кокре – с.Кален – с.Пештани (нискостеблеста вегетација);
- Општина Чучер-Сандево: с.Танушевци, м.в.Рамно (мешана шума);
- Општина Струга: с.Горно Татеши (стрниште).
ПОД КОНТРОЛА: 2
- Општина Штип: с.Хаџи Хамзали – с.Едеклерци – с.Топлик, полигон Криволак (нискостеблеста шума, смреки и сува трева);
- Општина Демир Хисар: с.Вардино (исечени дрва за огрев).
ИЗГАСНАТИ: 2
- Општина Прилеп: кај Дата центар (ѓубре и сува трева).
- Општина Гостивар: с.Дебреше (сува трева)
Граѓаните кои имаат потекло од мариовско, тврдат дека огнот во Кокре може да ја зафати и црквата.
