Во СОУ “Кузман Јосифоски – Питу”, учи препознатлива ТВ фаца. Ивана Сурлаџиоска, иако е втора година, нејзиниот лик и глас се присутни во етерот подолго време. Церемонијал мајстор е на неколку манифестации.
– Дел од пост училишните активности е водењето на емисијата “Урбан лајф”, а во летниот период “Летни вибрации”, емисија која ја водам веќе една година и со која секојдневно добивам сî повеќе искуство. Ги водам и смотрите или било која друга манифестација поврзана со водителството. Ја “грабнав” и шансата да го водам и новогодишниот концерт на детскиот хор “Мали ангели”. Стекнав многу пријателства – објаснува Сурлаџиоска.
