Дека фудбалот е најпривлечен спорт кај нас е неспорен факт. Младите го сакаат и од мали нозе ги учат правилата на овој глобален спорт, кој не знае за граници.
Меѓутоа, реткост е љубовта кон фудбалот да порасне толку голема, што дел од неа мора да се прелее од теренот до моливот. Шестоодделенецот Ангел Мирчески од ОУ “Кире Гаврилоски – Јане”, фудбалскиот талент успеал да го преточи и во литературна форма.
Ангел има 11 години, а не помни од кога е другар со топката. Неколку години се усовршува во фудбалска школа. Најголем дел од слободното време го минува со “бубамарата”, а тоа сигурно го наследил од покојниот дедо Јован Китаноски, кој бил наставник по физичко. Уште еден знак дека крвта не е вода. Голем фан е на “Реал, кралскиот клуб” од Мадрид.
Спортот јас го сакам
Да играм со топка
наоѓам време јас,
но за фудбал секогаш
и во секој час.
Топката е за мене
најубава играчка,
кога ќе ја шутнам далеку
сî може да смачка.
Фудбал сакам да играм
тука нема збор,
и си редам успеси
само во туѓ гол.
Ангел Мирчески VI одделение
ОУ “Кире Гаврилоски-Јане”