ОУ „Климент Охридски“ празнува
Со богата програма ОУ „Климент Охридски“ ја одбележува 55 годишната успешна работа и патрониот празник.
– За чествување на државниот празник “Климент Охридски” се одржа ораторска вечер во градската библиотека и литературно читање во старата училишна зграда. Претходеа спортските натпревари. Беше положено свежо цвеќе пред споменикот на Методија Андонов – Ченто и на Могилата на непобедените. Круна на празнувањето беше свечена академија во театарот – вели Зоран Сребреноски, в.д. директор на ОУ “Климент Охридски”.
На програмата учениците ги демонстрираат своите знаења и вештини стекнати под менторство на наствниците, а координирани од менаџерскиот тим.