Регионален натпревар по математика
Гимназијата „Мирче Ацев“ беше домаќин на регионалниот натпревар по математика за средните училишта на кој учествуваа ученици од Битола, Прилеп, Ресен и Демир Хисар. Но, освен како добри организиатори, гимназијалците се покажа и со добри резултати. Од прва година, Емилија Џајкоска освои трета награда, ментор: Афродита Стефаноска, меѓу учениците од втора година, гимназијалката Ана Георгиеска освои второ место, а Симона Тошеска освои пофалница. Нивни ментор беше Маријана Спиркоска, додека Ѓорѓи Коцевски освои трета награда со менторот Барбара Велјаноска. Од натпреварувачите од трета година, Славчо Премчески освои прва награда, а Андреј Мрчески беше втор под менторство на Евгенија Нешкоска.
Гимназијалците ќе ги одмерат знаењата по математика на државниот натпревар на 18 март во Скопје.