СОУ „Ѓорче Петров“
Започма спроведувањето на втората мобилност од проектот „Professional VET cooperation development project“. Точно 19 ученици од СОУ „Ѓорче Петров“ од медицинската струка, од профилите медицинска сестра и физиотерапевтски техничар, престојуваат 18 дена во Мадрид, Шпанија, заедно со координаторот на проектот, Билјана Рошкоска и професорите – ментори Соња Николоска и Антигона Димоска.
– При практичната работа и обука, учениците ќе ги развијат и покажат вештините и знаењата добиени во наставата, но и ќе ги надградат јазичните познавања, ќе видат друга култура и начин на живот, ќе се дружат, осамостојуваат и ќе создадат нови пријателства. Праксата е совршен искуствен учител и неизоставен дел од средното стручно образование. Искуството што ќе го донесат од Шпанија, учениците ќе го применат во полесно совладување на теоретските часови, а понатаму и за поефикасно извршување на нивната хумана професија – објаснуваат од СОУ “Ѓорче Петров”.
Проектот е финансиски поткрепен од програмата Еразмус+ на Европската комисија и Националната агенција за Европски образовни програми и мобилност.