Третоодделенците од ОУ „Блаже Конески“ ја задоволија својата љубопитност со посетата на Локалната самоуправа. Заедно со одделенските наставници, згазнаа на црвениот тепих, воодушевувајќи се на зградата во која е сместен “таткото” на градот и неговите служби.
– Посетата на најпросперитетната, најдобрата и општината број 1 под раководство на најдобриот, најквалитетниот градоначалник Марјан Ристески, остави силен впечаток кај учениците од 3 одд. во рамките на манифестацијата “Отворени денови на Општината”. Кај градоначалникот, учениците ги видоа тимовите и одблиску се запознаа со работата на секторите во општината – вели Марија Дулевска, директор.
Учениците долго ќе се сеќаваат на атмосферата и изгледот на канцелариите во општинската зграда крај која само поминуваа и ја гледаат однадвор.