СОУ „Орде Чопела“ меѓу деветтоодделенците
Додека лани професорот Игор Галоски со ветеринарите од СОУ „Орде Чопела“ се „шетаа“ меѓу основците, годинава се приклучија колешките Анкица Илиеска, Билјана Апостолоска, Татјана Тасевска и Александра Стојческа Трајческа. Не носеа коски од животни, не учеа анатомија, туку на деветтоодделенците им предаваа за основните принципи на здравата храна, воедно запознавајќи ги со хемиско-технолошката, земјоделско – ветеринарната струка и профилот очна оптика.
Како агроном, професорката Илиеска ги запознавала со органската храна, од производството, обработката, па сéझдо консумацијата на зеленчукот. Ги подучувала како да препознаваат здраво произведена органска храна, а како генетски модифицирана, укажувајќи им дека помало јаболко и со црвче е 100 пати поздраво од огромно јаболко кое 15 пати е прскано со пестициди. А за консумирањето, дека е подобро варен или свеж зеленчук, од препржен или препечен.
Докторката Стојческа Трајческа кажувала колку е здраво за доручек да се јаде јаболко, отколку крофна, бурек. Оти се во рана возраст, ги советувала повеќе да пијат вода, да имаат правилен распоред на оброците и консумирање што поздрава храна, оти се одразува на здравјето.
{AG}395/hemisko{/AG}
Талевска пак ги запознавала со термичката обработка, односно за миењето на зеленчукот, дека не смее со топла вода, туку подобро е да отстои во вода.
– Ги запознаваме деветтоодделенците со придобивките од струките кои се изучуваат во нашето училиште. Имаше интерес. Прашуваа што се изучува, каде се извршуваат праксите… Ги привлече и оти сакаат да имаат чисто лице, а не сакаат вишок килограми. Признаваа дека брзата храна им е омилена, дека не внимаваат што јадат – кажува Илиеска.
На класниот час ќе ги посетат и деветтоодделенците од ОУ “Блаже Конески”, “Добре Јованоски” и “Гоце Делчев”.
