ОУ „Рампо Левката“
Кај учениците од 4-б од ОУ „Рампо Левката“, наместо Бисера Вишиноска, наставник беше родителот Александра Стојаноска. На менито имаа мандарини, портоколи, киви, банани, јаболка. Еж направија од компир, а со морков и зелено јаболко палма. Создадоа и гасеница од банана, животинчиња од лимон. Целиот животински свет од природата се насобра на катедрата.
Преку игра учеа за здравата храна во рамките на активностите, родител-наставник. Користејќи креативност, првин декорираа, а потоа овошјето и зеленчукот им се видоа посимпатични и навалија на трпезата. Ако порано се “противеле”, сега со мерак дегустираа здрава храна, потсетувајќи дека само со конзумирање овошје и зеленчук, може да се победи грипот. Среќни и задоволни од интерактивниот час, покажувајќи оригиналност за аранжирање, пренесоа порака до сите деца дека со здрава храна ќе бидат поздрави и посилни и ќе имаат детство без мана.
