Во училниците на ОУ „Блаже Конески“
Се вее државното знаме со логото на академикот Блаже Конески во ОУ „Блаже Конески”. Во сите училници се поставени знамињата кои го носат и ликот на патронот, основоположникот на македонскиот литературен јазик. Целта е да се подигне нивото на националната свест кај учениците, љубовта и почитта кон државата. Се афирмираат и негуваат националните вредности, оти “Јазикот, македонската нација – тоа сме ние” и треба да ги чуваме и негуваме за нашето постоење од најмали нозе. Се планира и свечено интонирање на државната химна на одделенските часови и на разни свечености и манифестации.
Идејата потекнува од градоначалникот Марјан Ристески по примерот на училиштата во Германија и потребата за кодифицирано однесување на учениците и вработените при интонирањето на химната.