СОУ ,,Ристе Ристески – Ричко,,
За 73 годишнината од смртта на револуционерот и борец Ристе Ристески – Ричко, училиштето што го носи неговото име, го празнуваше патронот со многубројни манифестации и свечена програма во театарот. Учениците и професорите положија цвеќе пред споменикот на првиот македонски претседател Методија Андонов – Ченто, на Могилата на непобедените и Алејата на народните херои.
За патронатот на СОУ ,,Ристе Ристески – Ричко,, се отвори центар за медијација. Тоа е втор центар за решавање на повремените конфликти меѓу учениците.
– Живееме во мултиетничко општество, а центарот ќе послужи за решавање на недоразбирања кои се јавуваат понекогаш меѓу учениците – рече директорот Жарко Темелкоски.
Градоначалникот Марјан Ристески изрази надеж дека ќе се подобри едукативниот развој на младите.
{AG}383/industrisko{/AG}
– Затао е добредојдено отворањето на ваков центар, посебно на полето на спречувањето на конфликтите, иако и досега немало сериозни недоразбирања и нетолеранција меѓу учениците – рече Ристески.
Пред отворањето на центарот се организираа и обуки за медијатори на професорите и на учениците.
– Важно е да се засили вниманието на ненасилната комуникација, која, за жал, во последно време, сé повеќе и повеќе се заборава – рече професорката Гордана Јосифоска.
Во училиштето се реконструираат дел од подовите, а поголем зафат е адаптацијата на старата котларница во нови работни училници за изведување практична настава на учениците од машинската, електро-техничката и графичката струка.