ОУ “Климент Охридски”
Учениците од 8-2 одделение од ОУ “Климент Охридски” понесени од еуфоријата за Новата година креираа новогодишни украси. “Виновници” беа иницијаторите Анисија Ставреска, Никита Ристески и Наталија Петреска, кои ги заразија соучениците, пренесувајќи íм ги вештините за правење новогодишни декорации. Во веселата атмосфера, инспирирани од фантазијата и со умешноста на вредните раце, изработија прекрасни украси за елки, снегули, снешковци, ѕвезди, ленти во боја и други симболи на зимата и новата година и ја разубавија училницата пред празничните денови и за време на зимата.
