Повеќе од 200 ученици од музичкото училиште имаа полугодишен концерт насловен „Зимска музичка вечер“ на три локации, во салата во библиотеката, во салон на при Ц.К. „Марко Цепенков“ и во киното Мис Стон. Децата се претставија во најдобро светло, заборавајќи на тремата. На сцената се однесуваа како музичари со искуство, докажувајќи какви вештини совладале. Со изведбите на хармоника, клавир, пијано, виолина, гитара, ги топеа срцата на роднините, пријателите, професорите.
