Педесетти години од минатиот век. Зјае празнина како тепсија, на местото каде сега е настаменет Центарот на културата. Улицата уште ја нема, но тука е еден од триаголниците со трева, кој биле карактеристика за тој период.
Правливиот простор од скелињата и рамките на кои се суши миризливиот тутун и малите куќички, како кутии, неправилно распоредени, даваат слика на сиромашен град. Само зеленилото во дворовите укажува на потребата на луѓето од природен спој.
Десно е зградата на киното Работнички и Синдикатот, а вишнее и црквата Свети Кирил и Методиј или Параклис. Се истегнал и Тутунскиот комбинат. Бдеат и Марковите Кули.
