Талентираната Ангела Димеска од ОУ “Добре Јованоски” успеа да освои прво место на фестивалот за детско творештво “Детски лирски треперења” во Охрид, организиран од Сојузот за грижа и воспитување на децата. Таа создаде поема, инспирирана од љубовта. Творбата на малата Ангела ги воодушеви писателите Стојан Тарапуза, Велко Неделков и Горјан Петрески. Ангела се дружела со 30-тина ученици од земјава. Ги посетивме црквата Св. Јован Канео и Плаошник, а дружбата со децата кои ги запознав нема да заврши со фестивалот. Стекнав пријателства и веќе контактираме преку Фејсбук – истакна Ангела. Наставничката Стојанка Димеска ги открива интелегентните и надарени деца низ грижата на македонскиот јазик и потикнувањето на пишување на поезија и проза. Првиот фестивал во Охрид има тенденција да се одржува секоја година.
Две Марии закитени со награди
Во Охрид награди добија и ученичките Марија Недеска од 8 одделение и Марија Николоска од 5 одделение од ОУ “Кире Гаврилоски – Јане”, во “дисциплината” недовршен расказ. На двете Марии најголем впечаток им оставил големиот логорски оган, запален на отворањето. Се забавувавме со учесниците и со постарите писатели, но мака ми што не се одржа забавата во диското – рече Недеска. Ментор на ученичките им била наставничката Габриела Стојаноска – Станоеска.