Неколку работници од ЈП Комуналец од мугри до вечер работат на платото од страната на Центарот за култура. “Фрчат” лопати, грибла, четки, боја, да се стигне за отворањето на киното што ќе биде на местото на поранешниот ресторан Мис Стон. Киното се очекува да се отвори за гледачите на празникот на ослободвањето на градот, Трети Ноември. Затоа се работи турбо. Киното внатре е опремено и дотерано, а надвор се финишира со менување на плочки за влезот. Киното ќе го задржи името Мис Стон.
