Единиците од механизираната пешадиска бригада – артилериски баталјон денеска го одбележуваат 18 август- Денот на Армијата на Македонија во касарната “Мирче Ацев”. За прославата, ќе се постројат припадниците на единиците, ќе се интонира државната химна и химната на АРМ и ќе им се оддаде почит на загинатите борци за Македонија и припадници на АРМ.
За празникот, ќе се унапредат старешини, ќе се доделат одликувања, награди и пофалби и ќе се презентира воената опрема.
