Фудбал
Впечаток е по десетте дена подготовки за второлигашкото првенство, доминира младоста во играчкиот кадар на Победа. Домашни талентирани фудбалери добиваат шанса. Се истакнале во младинскиот тим и сега во сениорскиот ќе можат да потврдат дека се избрани со право. Познати се некои имиња и презимиња, Василиј Мариновски, Антонио Шемкоски Мартин Миланоски, Давид Дебрешлиоски, Бобан Ѓорчески, Давор Богевски… Тука се и досегашните првотимци – Филип Стомнароски, Јорданчо Наумоски, Анатолиј Петејчук, Филип Спиркоски, Стефан Спиркоски… На тренинзите се и повратниците – Иван Николоски (Беласица), Христијан Кукески (Караорман), Филип Димоски (Детонит Плачковица) и Беким Алимоски (Питу Гули). Се очекуваат да се вратат уште неколкумина прилепчани.
По првите кондициски тренинзи, се работи и на тактичко-технички план. Ќе има и пријателски мечеви. Првиот ќе биде следната недела дома, со второлигашот Новаци.
