Во ОУ “Кире Гаврилоски – Јане”
Учениците од ОУ “Кире Гаврилоски – Јане” во чест на патронот изведоа богата пригодна програма. Се играше, пееше, танцуваше, се рецитираше, изразувајќи респект на херојот и покажувајќу дека се доследни потомци на своите претци. 79 годишнината од смртата на Јане е само сегмент на славната историја на македонскиот народ. Тој е само една од илјадниците жртви од крвавата борба за слобода.
Директорот, Влатко Кузманоски, изрази гордост што води ученици и наставници со силно чувство за негување на традициите и историјата, вткаени во ослободителниот прилепски дух.
Одбележувањето го удостои и присутвото на градоначалникот Борче Јовчески и претседателот на советот, Дејан Проданоски.
Учениците и наставниците положија цвеќе на бистата во Алејата на народниот херои.